Мой лепшы сябар
Калі мяне папросяць расказаць пра галоўнага чалавека ў маім жыцці, я, не задумваючыся, раскажу пра свайго брата. Мы з ім не толькі родныя, але і лепшыя сябры. Праўда, у дзяцінстве мы шмат спаборнічалі і біліся, але зараз лепшых сяброў, чым мы, не знайсці.
Завуць майго брата Жэня. Ён высокі, вышэйшы за мяне на дзесяць сантыметраў. У яго вельмі шырокія плечы. У Жэні доўгія кучаравыя валасы, якім пазайздросціла б любая дзяўчына. У яго прыгожыя блакітныя вочы, абрамлёныя доўгімі густымі вейкамі.
Голас у майго брата вельмі прыемны, мяккі і спакойны. Яго наогул складана вывесці з сябе. Жэня вельмі ўраўнаважаны чалавек, у адрозненне ад мяне.
Жэня папулярны сярод дзяўчат. Ня столькі дзякуючы сваёй знешнасці, колькі дзякуючы абаянню і абыходлівасці.
Я люблю праводзіць з ім час, таму што ў яго добрая фантазія і з ім ніколі не бывае сумна.
Я трошкі зайздрошчу свайму брату і хацеў бы быць падобным характарам на яго. Але адначасова я ганаруся ім, бо ён мой лепшы сябар.