Ответ:

Егер мен сәулетші болсам...

Елбасымыз Нұрсұлтан Әбішұлы Назарбаев: “Жарқын болашақ жастардың қолында” дегендей, біздің болашағымыз өз қолымызда.

Мені өскенде кім боламын, қандай мамандықты таңдаймын деп ойланамын. Мамандық таңдау өміріңнің бір кірпішін дұрыс қалау деп түсінемін. Өзің айналысқың келетін жұмысты таңдау ғана емес, өзің араласқың келетін ортаны да таңдау деген сөз. Өмірде адам мамандық таңдағанда қателеспеу керек. Өмірден өз орнымызды тауып, адал еңбек ету әр адамның арманы деп ойлаймын. Әрине, әр адамның да таңдауы әр түрлі.

Мамандық таңдау өте жауапкершілікті және маңызды іс. Мамандық таңдауда әр адам өзінің қызығушылығына, қабілетіне, бейімділігіне, қалауына сүйену керек. Қазіргі таңда мамандықтың түрі көп. Таңдау жасау оңай емес. Ең бастысы адам еңбекке қабілетті, зейінді болуы қажет және оның мамандығы өзі өскен ортаға маңызды, бағалы үлес қосатындай болуы шарт.

Соңғы кездері мені болашақта қай мамандықты таңдаймын? деген сұрақ көп толғандырып жүр. Егер мен архитектор болсам, қалай болар екен деп көп ойланып жүрмін. Әрине, қайсы болмасын мамандықтың барлығы да керек, оңайы жоқ. Дегенмен, мен елордамызда күн санап бой көтеріп келе жатқан зәулім ғимараттар мен үйлерге қызыға қарап, болашақта осындай ғимараттың салынуына өз үлесімді қоссам деп армандаймын. Архитектор болу үшін, менің ойымша, сурет салу мен сызуға икем болу керек. Сонымен қатар нақты есептеулерді дұрыс жасап, сызбаны дұрыс сызу үшін жақсы санап, есептей білу керек. Ғимараттар бір күнде салынбайтындықтан, қажырлы еңбектеніп, шыдамды, төзімді болу керек деп ойлаймын. Сонымен қатар, өз мамандығыңды сүйіп, аянбай еңбек ету керек.