Размещено 4 года назад по предмету Қазақ тiлi от salanbro1

Әке мен бала
А) Одан біраз жер өткен соң,шие сатып отырғандардан ол үш тиынға біраз шие сатып алады.Сонымен,шиені орамалына түйіп,шетінен өзі бір-бірден алып жеп,баласына қарамай,ақырындап жүре берді.Біраз өткен соң,әкесінің қолынан бір шие жерге түсіп қалды.Артында келе жатқан бала да қызығып келе жатыр екен,жерге түскен шиені жалма-жан көтеріп алып,аузына салды.Біраз уақыттан соң бір шие,онан біраз уақыттан тағы бір шие, сонымен әр жерде бір әкесінің қолынан түскен шиені он шақты рет иіліп,жерден көтеріп жеді.
В) Ең сонында әкесі тоқтап тұрып айтады: - Көрдің бе, мана тағаны жамансынып жерден бір ғана иіліп көтеріліп алуға еріндің,енді сол тағаға алған шиенің жерге түскенің аламын деп бір еңкеюдің орнына он еңкейдің.Мұнан былай есінде болсын аз жұмысты қиынсынсаң – көп жұмысқа тап боласың,азға қанағат ете білмесен – көптен де құр боласың, - деді.
С) Бір адам он жасар баласын ертіп,егіннен жаяу келе жатса,жолда қалған аттың бір ескі тағасын көріп,баласына айтты: - Анау тағаны,балам,ала жүр, - деп.Бала әкесіне: - Сынып қалған ескі тағаны алып неғылайын, -деді. Әкесі үндемеді,тағаны өзі иіліп алды да,жүре береді.Қаланың шетінде темірші ұсталар бар екен, соған жеткен соң,әкесі соларға жақындап, манағы тағаны соларға үш тиынға сатты.
1. Прозалық шығарманың мағынасы бойынша композициялық құрылымын анықтаңыз:
А )Ортасы. 1 -
В) Соңы. 2 -
С) Басы. 3 -
(1 балл)
2. Шығармадағы басты кейіпкерді белгілеңіз.

...............................................................................................................................................
(1 балл)

3. Басты кейіпкердің іс-әрекетіне баға беріңіз.

............................................................................................................................................... (1балл)
4. Басты кейіпкердің әкесі баласын неге баулиды?

............................................................................................................................................... (1балл)
5. Басты кейіпкердің әкесіне баға беріңіз.

............................................................................................................................................. (1балл)